Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ Լիբանանը հանդիսանում է ԱՄՆ-ի հետ ձեռք բերված երկշաբաթյա հրադադարի առանցքային և անբաժանելի տարրը։ X սոցիալական ցանցում կատարած իր գրառման մեջ Ղալիբաֆը շեշտել է, որ Լիբանանն ու այսպես կոչված «Դիմադրության առանցքի» բոլոր ուժերը, որպես Իրանի դաշնակիցներ, ուղղակիորեն ներառված են հրադադարի համաձայնության մեջ։
Իրանցի բարձրաստիճան պաշտոնյան խիստ նախազգուշացում է հնչեցրել՝ ուղղված հրադադարի հնարավոր խախտումներին, ինչը տեղի է ունենում Լիբանանի նկատմամբ իսրայելական վերջին կործանարար հարձակումների ֆոնին։
«Հրադադարի ռեժիմի խախտումներն ունենալու են հստակ հետևանքներ և կարժանանան ուժեղ պատասխանի»,- նշել է խորհրդարանի խոսնակը։