Սաուդյան Արաբիայի արտաքին գործերի նախարար Ֆեյսալ բին Ֆարհան ալ Սաուդը հեռախոսազրույց է ունեցել իր իրանցի գործընկեր Աբբաս Արաղչիի հետ, հաղորդում է Սաուդյան Արաբիայի արտաքին գործերի նախարարությունը։
Նախարարները «քննարկել են վերջին զարգացումները և լարվածության նվազեցման ուղիները՝ տարածաշրջանում անվտանգությունն ու կայունությունը վերականգնելու համար»։
Մերձավոր Արևելքի լրատվամիջոցները նշել են, որ սա նախարարների միջև առաջին շփումն էր փետրվարի վերջին ռազմական գործողությունների սկսվելուց ի վեր։
Այս շաբաթվա սկզբին ԱՄՆ-ն և Իրանը համաձայնության եկան երկշաբաթյա հրադադարի շուրջ։