09 Ապրիլի 2026, 11:20
Երևանի Չայկովսկու անվան երաժշտական մասնագիտացված միջնակարգ դպրոցի 3-րդ դասարանի աշակերտուհի Անի Մելիքյանը Բեռլինում անցկացված Grand Prize Virtuoso միջազգային մրցույթում զբաղեցրել է առաջին տեղը։
Բեռլինի ֆիլհարմոնիկում անցկացված մրցույթին մասնակցել են տարբեր երկրների երաժիշտներ։
Մրցույթից հետո կայացել է նաև միջազգային գալա-համերգ, որտեղ ելույթ են ունեցել միայն մրցանակային տեղեր զբաղեցրած կատարողները։
Անի Մելիքյանը նախկինում ևս ներկայացրել է Հայաստանը Նիդերլանդներում անցկացված հեղինակավոր միջազգային մրցույթում։ Եվրոպական համերգների ընթացքում նա կատարել է հայկական երաժշտություն, այդ թվում՝ Առնո Բաբաջանյանի «Մեղեդի» ստեղծագործությունը։