Իրանի խորհրդարանի նախագահ Մոհամմեդ Ղալիբաֆը հայտարարել է, որ ԱՄՆ-ի հետ հրադադարի հաստատման 10 կետերից 3-ն արդեն խախտվել է, ինչը, նրա խոսքով, անիմաստ է դարձնում խաղաղության շուրջ բանակցությունները։
Նրա փոխանցմամբ՝ Իրանի առաջարկած 10 կետերից առաջինը վերաբերում էր Լիբանանում հրադադարի հաստատմանը, սակայն այն խախտվել է Իսրայելի կողմից։
Երկրորդ կետով Իրանը պահանջել է որևէ պարագայում չխախտել իր օդային տարածքը, ինչը, ինչպես նշել է Ղալիբաֆը, արդեն տեղի է ունեցել։
Երրորդ կետի համաձայն՝ Իրանը պահանջում է հարգել ուրանի հարստացման իր իրավունքը, սակայն ԱՄՆ-ն շարունակում է մերժել դա։
«Այս իրավիճակում ո՛չ հրադադարի պահպանումը, ո՛չ խաղաղության բանակցություններն իմաստ չունեն», – հայտարարել է նա։
Միաժամանակ նշվում է, որ Պակիստանի մայրաքաղաք Իսլամաբադում նախատեսվում են իրանցի և ամերիկացի պաշտոնյաների բանակցությունները։