Ձեռք բերված հրադադարը ցույց է տալիս Իրանի պատրաստակամությունը՝ լուծելու հակամարտությունները դիվանագիտական ճանապարհով։ Այս մասին հայտարարել է Իսլամական Հանրապետության նախագահ Մասուդ Փեզեշքիանը։
«Իրանի կողմից հրադադարի ընդունումը պատասխանատվության և Իրանի լուրջ պատրաստակամության հստակ նշան է՝ լուծելու հակամարտությունները դիվանագիտական ճանապարհով», – ասել է պետության ղեկավարը Ֆրանսիայի նախագահ Էմանուել Մակրոնի հետ հեռախոսազրույցի ժամանակ։
Փեզեշքիանը նաև քննադատել է ԵՄ-ին ԱՄՆ-ի և Իսրայելի գործողությունները և Իրանի վրա նրանց հարձակումը դատապարտելու հարցում «հստակ և վճռական դիրքորոշման բացակայության» համար։