Իրանը դեռևս վերջնական որոշում չի կայացրել, թե ով կգլխավորի իրանական բանակցային թիմը ԱՄՆ-ի հետ երկխոսության համար, հաղորդում է Tasnim լրատվական գործակալությունը՝ հղում անելով աղբյուրին։
Ավելի վաղ իրանական ISNA լրատվական գործակալությունը հաղորդել էր, որ խորհրդարանի խոսնակ Մոհամմադ Բաղեր Ղալիբաֆը կգլխավորի իրանական պատվիրակությունը Իսլամաբադում ԱՄՆ-ի հետ բանակցությունների ժամանակ։
«Չնայած որոշ լրատվամիջոցների հաղորդագրությունների, որոնք վերաբերում էին բանակցային թիմի ղեկավարի ընտրությանը, այս հարցը դեռևս վերջնականապես որոշված չէ»,- հաղորդում է Tasnim-ը։
Լրատվական գործակալության աղբյուրի խոսքով՝ Իրանի իշխանությունները շուտով պաշտոնապես կհայտարարեն, թե ով է ներկայացնելու Իրանը բանակցություններում։