Հռոմի պապ Լևոն XIV-ը Իրանի քաղաքացիների դեմ ուղղված սպառնալիքները որակել է «անընդունելի»։
Նրա հայտարարությունը հնչել է ԱՄՆ նախագահ Դոնալդ Թրամփի՝ սոցիալական ցանցերում արված գրառմանից ժամեր անց, որտեղ նշվել էր, որ «ամբողջ քաղաքակրթությունը կարող է մահանալ այսօր երեկոյան», եթե Իրանը չհամաձայնի վերաբացել Հորմուզի նեղուցը։
Հռոմի Պապը, որը վերջին շրջանում ավելի հաճախ է հանդես գալիս հակամարտության վերաբերյալ քննադատական դիրքորոշմամբ, լրագրողների հետ զրույցում ընդգծել է, որ խաղաղ բնակչության դեմ ուղղված ցանկացած սպառնալիք «լիովին անընդունելի է»։
Հռոմի Պապը կոչ է արել միջազգային հանրությանն ակտիվ դեր ստանձնել հակամարտության դադարեցման գործում։