Իրանը, ի պատասխան ԱՄՆ-ի կողմից ռազմական գործողությունները դադարեցնելու առաջարկի, պահանջել է երաշխիքներ, որ երկիրն այլևս հարձակման չի ենթարկվի: Այս մասին հաղորդում է New York Times-ը՝ հղում անելով իրանցի պաշտոնյաներին։
Ավելի վաղ Իրանի պետական լրատվական գործակալությունը՝ IRNA-ն, հաղորդել էր, որ Իրանը, ի պատասխան ԱՄՆ առաջարկի, մերժել է հրադադարի հնարավորությունը, նշելով հակամարտության մշտական դադարեցման և պատժամիջոցների վերացման անհրաժեշտությունը:
«(Իրանի – խմբ.) առաջարկը ներառում էր երաշխիք, որ Իրանը կրկին չի ենթարկվի հարձակման»,- ասվում է հրապարակման մեջ՝ հղում անելով իրանցի երկու բարձրաստիճան պաշտոնյաների։
Հոդվածում պարզաբանվում է, որ իրանական առաջարկը բաղկացած է տասը կետից, որոնց թվում է նաև լիբանանյան «Հեզբոլլահ» շարժման դեմ Իսրայելի կողմից հարվածների դադարեցումը։