Պակիստանում Իրանի դեսպան Ռեզա Ամիրի Մողադամը հայտարարել է, որ Իրանի և ԱՄՆ–Իսրայել հակամարտությունը դադարեցնելու ուղղությամբ իրականացվող դիվանագիտական ջանքերը հասել են «կրիտիկական և զգայուն փուլ»։
Դեսպանի խոսքով՝ Պակիստանի կողմից ձեռնարկվող միջնորդական նախաձեռնությունները եղել են «դրական և արդյունավետ», սակայն նա չի մանրամասնել ընթացիկ բանակցությունների բովանդակությունը կամ հնարավոր արդյունքները։
«Պակիստանի դրական և արդյունավետ ջանքերը բարի կամքի և բարի ծառայությունների ոգով ՝ պատերազմը դադարեցնելու համար, մոտենում են կրիտիկական, նուրբ փուլին»,- գրել է դեսպանը։
Վերջին զարգացումների ֆոնին Պակիստանը սկսել է հանդես գալ որպես կարևոր միջնորդ։ Սա պայմանավորված է այն հանգամանքով, որ Պարսից ծոցի մի շարք ավանդական միջնորդներ ներգրավվել են հակամարտության մեջ՝ Իրանի կողմից ԱՄՆ ռազմական օբյեկտների և տարածաշրջանային այլ թիրախների դեմ իրականացված պատասխան հարվածներից հետո։