ՆԳՆ ոստիկանությունը ներկայացրել է օպերատիվ իրավիճակը հանրապետությունում ապրիլի 6-ից 7-ը։
Բացահայտվել է 147 հանցագործություն, որոնցից 8-ը՝ նախկինում կատարված:
Մասնավորապես՝
32 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
18 դեպք՝ թմրանյութի հայտնաբերման,
8 դեպք՝ խարդախության,
7-ական դեպք՝ ֆիզիկական ներգործության, հոգեկան ներգործության,
6-ական դեպք՝ մարմնական վնասվածք պատճառելու, անձնական ունեցվածքի գողության, սառը զենքի հայտնաբերման,
5 դեպք՝ փաստաթուղթ կեղծելու,
3-ական դեպք՝ գույքը ոչնչացնելու կամ վնասելու, ծառերը, թփերը ապօրինի հատելու,
2-ական դեպք՝ բնակարանային գողության, խուլիգանության, զենք-զինամթերքի առգրավման, երեխայի խնամքի պարտականությունները չկատարելու, թմրամիջոցի մաքսանենգության:
Բացահայտվել են կողոպուտի, ապօրինի ձեռնարկատիրական գործունեության, թմրանյութի իրացման, աշխատանքի պաշտպանության և անվտանգության կանոնները խախտելու, թմրամիջոցի մաքսանենգության, դյուրավառ նյութերի պահպանման կանոնները խախտելու, հետամտելու, ինքնիրավչության և այլ դեպքեր։
Նախկինում կատարված հանցագործություններից բացահայտվել է՝
4 դեպք՝ բնակարանային գողության,
2 դեպք՝ կողոպուտի,
1-ական դեպք՝ անձնական ունեցվածքի գողության, գույքին տիրանալու։
Հայտնաբերվել է 13 հետախուզվող, կամավոր ներկայացել՝ 6-ը։
Հայտնաբերվել է 1 անհետ կորած։
Գրանցվել է զենք-զինամթերք կամավոր հանձնելու 3 դեպք։
ՃՏՊ վիճակագրություն
Անցած 1 օրում գրանցվել է 21 ավտովթար․ 1 մարդ զոհվել է, 28-ը՝ ստացել տարբեր աստիճանի մարմնական վնասվածքներ։