ԱՄՆ նախագահ Դոնալդ Թրամփը կրկին սպառնալիքներ է հնչեցրել Իրանի հասցեին՝ պահանջելով մինչև երեքշաբթի երեկո բացել Հորմուզի նեղուցը։ Հակառակ դեպքում նա խոստացել է հարվածներ հասցնել երկրի ենթակառուցվածքներին։
«Ամբողջ երկիրը կարելի է անգործունակ դարձնել մեկ գիշերվա ընթացքում, և այդ գիշերը կարող է լինել արդեն վաղը»,- ասել է նա Սպիտակ տանը մամուլի ասուլիսի սկզբում։
«Նրանք չեն ունենա ոչ մի կամուրջ, ոչ մի էլեկտրակայան։ Նրանք կհայտնվեն քարի դարում»,- ավելացրել է նա հետագայում՝ պատասխանելով լրագրողների հարցերին։
Թրամփը հաստատել է, որ ուլտիմատումի ժամկետը լրանում է երեքշաբթի օրը ժամը 20:00-ին Արևելյան ժամանակով (կեսգիշեր Գրինվիչով, չորեքշաբթի ժամը 03:00-ին Երևանի ժամանակով)։
«Վաղվա կեսգիշերին Իրանի յուրաքանչյուր կամուրջ ամբողջությամբ կոչնչացվի, իսկ յուրաքանչյուր էլեկտրակայան դուրս կգա շահագործումից։ Նրանք կայրվեն, կպայթեն և այլևս երբեք չեն օգտագործվի։ Սա կարող է տեղի ունենալ ընդամենը չորս ժամվա ընթացքում, եթե մենք ցանկանանք։ Բայց մենք չենք ուզում, որ դա տեղի ունենա»,- ասել է ամերիկյան առաջնորդը։