Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Իրանի դեմ իրականացված ագրեսիայի հետևանքները շատ վտանգավոր են, այդ թվում՝ համաշխարհային տնտեսության համար։
Նրա խոսքով՝ «Սա շատ վտանգավոր և բացասական հետևանքներ ունեցող իրավիճակ է այն ագրեսիայի պատճառով, որը իրականացվել է Իրանի դեմ։ Հակամարտության աշխարհագրությունը ընդլայնվել է, և մենք արդեն տեսնում ենք դրա հետևանքները, այդ թվում՝ բավականին լուրջ բացասական ազդեցություն համաշխարհային տնտեսության վրա»։
Փետրվարի 28-ին ԱՄՆ-ն և Իսրայելը սկսել են հարվածներ հասցնել Իրանի տարածքում գտնվող օբյեկտներին։ Իրանն էլ իր հերթին պատասխան հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին։
Հակամարտության սրման հետևանքով գրեթե դադարել է նավարկությունը Հորմուզի նեղուցով, որը հանդիսանում է նավթի և հեղուկացված բնական գազի մատակարարման կարևորագույն ուղիներից մեկը համաշխարհային շուկայի համար։