Երևանի քաղաքապետ Տիգրան Ավինյանը անդրադարձել է մայրաքաղաքի շինհրապարակներից աղբի տեղափոխման և աղբահանության գործընթացին։
«Այդ շինաղբը, որտեղ էլ որ հայտնվում է տարբեր վայրերում, եկեք հասկանանք՝ որ շինհրապարակներն են, որոնք նման գործելաոճ ունեն։ Պետք է գտնենք մեթոդը՝ իրենց շինթույլտվությունները չեղարկելու համար։ Թող գնան, սնանկանան։
Որովհետև եթե իրենք էությամբ և մոտեցումներով այդքան փնթի են, որ իրենց շինաղբը կարող են տանել ու թափել որտեղ պատահի, ապա պետք է նրանց շինթույլտվությունները չեղարկել»,- ասել է Տիգրան Ավինյանը։