Բահրեյնի արտաքին գործերի նախարար Աբդել Լաթիֆ բին Ռաշեդ ալ-Զայանիի կողմից մեջբերված տվյալների համաձայն՝ Պարսից ծոցում զինված հակամարտության սկսվելուց ի վեր Հորմուզի նեղուցով տարանցիկ նավթատար նավերի թիվը նվազել է առնվազն 90%-ով։
«Այս տարվա փետրվարի 28-ից ի վեր Հորմուզի նեղուցով տանկերների երթևեկությունը նվազել է ավելի քան 90%-ով», – ասել է Բահրեյնի արտգործնախարարը, ինչպես մեջբերել է «Ալ Հադաթ» հեռուստաընկերությունը:
Ալ-Զայանիի խոսքով՝ «Հորմուզի նեղուցում ստեղծված իրավիճակը իրական սպառնալիք է ներկայացնում միջազգային իրավունքի, համաշխարհային կայունության և պարենային անվտանգության սկզբունքների համար»։
Բահրեյնի արտգործնախարարը կարծում է, որ «ժամանակը դառնում է որոշիչ գործոն Հորմուզի նեղուցում ճգնաժամի լուծման գործում», և որ դրա հաղթահարումը «պահանջում է միջազգային հանրության կողմից անհապաղ գործողություններ»։