Մեկնարկում է նախնական մասնագիտական (արհեստագործական) և միջին մասնագիտական ուսումնական հաստատության ղեկավարման իրավունքի (հավաստագրի) համար հավակնորդների փաստաթղթերն ընդունելու գործընթացը։ Այս մասին տեղեկացնում է Իրավաբան.net-ը։
ՀՀ ԿԳՄՍ նախարար Ժաննա Անդրեասյանի 2026 թվականի ապրիլի 3-ի N 463-Ա հրամանով սահմանվել է նախնական մասնագիտական (արհեստագործական) և միջին մասնագիտական ուսումնական հաստատության ղեկավարման իրավունքի (հավաստագրի) հավակնորդների փաստաթղթերի ընդունման կարգն ու ժամկետները:
Հիմնական տեղեկատվություն հավակնորդների համար.
Փաստաթղթերի ընդունման ժամկետը. 2026 թվականի ապրիլի 3-ից մինչև ապրիլի 23-ը ներառյալ:
Ընդունման ձևաչափը. Փաստաթղթերն ընդունվում են բացառապես առցանց տարբերակով՝ քսանչորսժամյա ռեժիմով:
Գրանցման հղումը. https://exams.emis.am/:
Գործընթացի հետագա քայլերը.
Մինչև 2026թ. ապրիլի 30-ը կհաստատվի հավաստագրման քննությունների անցկացման ժամանակացույցը:
Հրամանի կատարման հսկողությունը վերապահված է ԿԳՄՍ նախարարի տեղակալ Արաքսիա Սվաջյանին: