ԱՄՆ-ի հարավային Լուիզիանա նահանգում Լաոսի Նոր տարին նշող փառատոնի ժամանակ մեքենան մխրճվել է ամբոխի մեջ, որի հետևանքով 15 մարդ վիրավորվել է։ Այս մասին հայտնել է Reuters-ը՝ հղում անելով տեղական իշխանություններին։
Գործակալության տվյալներով՝ 15 վիրավորներից 13-ը հոսպիտալացվել են։
«Մենք խորապես վշտացած ենք փառատոնի ժամանակ տեղի ունեցած միջադեպի լուրից», – ասել են կազմակերպիչները՝ հավելելով, որ միջադեպի պատճառով չեղարկվել են նախկինում նախատեսված միջոցառումները։
Reuters-ի տվյալներով՝ միջադեպից կարճ ժամանակ անց կասկածյալը ձերբակալվել է: Տեղի ունեցածի հնարավոր դրդապատճառը հայտնի չէ: