ՆԱՏՕ-ի նախկին գլխավոր քարտուղար Յենս Ստոլտենբերգը իր հուշերում բացահայտել է, որ մինչև Ռուսաստանի լայնածավալ ներխուժումը Ուկրաինա քննարկել է Մոսկվայի հետ անվտանգության նոր մոդել, որը ներառել է «բուֆերային գոտի» ստեղծելու գաղափար Ռուսաստանի և դաշինքի միջև։
Ըստ հրապարակման՝ այդ քննարկումները տեղի են ունեցել Ռուսաստանի արտգործնախարար Սերգեյ Լավրովի հետ և վերաբերում էին ՆԱՏՕ-ի ուժերի հնարավոր հետքաշմանը մինչև 1997 թվականի սահմաններ, ինչը փաստացի կարող էր ազդել Արևելյան Եվրոպայի երկրների վրա, ներառյալ Բալթյան պետությունները
Ստոլտենբերգը նաև նշել է, որ դեռևս 2021 թվականի հոկտեմբերին ԱՄՆ-ը նախազգուշացրել էր Ռուսաստանի կողմից ներխուժման նախապատրաստման մասին, սակայն Ֆրանսիան և Գերմանիան այդ գնահատականները համարել էին չափազանցված և կոչ արել խուսափել լարվածության աճից։
Նրա խոսքերով՝ պատերազմի սկզբնական փուլում ինքը նաև մերժել է Ուկրաինայի նախագահ Վոլոդիմիր Զելենսկիի խնդրանքը հակաօդային պաշտպանության համակարգերի արագ ուժեղացման վերաբերյալ՝ նշելով, որ «ոչ» է ասել նրա համար ամենաբարդ պահին։
Բանակցությունները Ռուսաստանի հետ, սակայն, ավարտվել են ձախողմամբ, քանի որ 2022 թվականի հունվարին տեղի ունեցած Ռուսաստան–ՆԱՏՕ խորհրդի նիստում Մոսկվան հայտարարել է, որ իր առաջարկները քննարկման ենթակա չեն և ներկայացնում են վերջնագիր՝ «ընդունեք ինչպես կա կամ հեռացեք» սկզբունքով։