Մի շարք փաստաբաններ և քաղաքական գործիչներ այսօր՝ ապրիլի 3–ին, բողոքի ակցիա են կազմակերպել Գլխավոր դատախազության դիմաց։
Նախապես նրանք հայտարարություն էին տարածել, որտեղ նշված էր. «Պահանջում ենք քրեական հետապնդում սկսել Հանրային հեռարձակման հանձնաժողովի ղեկավարության և Հ1 հանրային հեռուստաալիքի ղեկավարության նկատմամբ, քանի որ նրանք, խախտելով գործող օրենսդրությունը, դարձել են իշխող կուսակցության քարոզչության խոսափող՝ առաջ մղելով այս կուսակցության տեսակետը և ամեն կերպ գովազդելով այն, միաժամանակ սերմանելով անհամաձայնություն և ատելություն Հայ Առաքելական Եկեղեցու նկատմամբ, խոչընդոտելով իրական ընդդիմության արտահայտվելուն և անօրինական կերպով լուսաբանելով իշխող կուսակցության նախընտրական քարոզարշավը՝ այդպիսով խախտելով բոլոր հնարավոր օրենսդրական ակտերը»։