2 ապրիլի 2026 – 17:44 AMT
PanARMENIAN.Net – ՀԷՑ-ի նոր բաժանորդների վճարների նվազեցումը ընտրակաշառքի ձև է, հայտարարել է ՀԷՑ-ի նախկին ղեկավարի պաշտոնակատար Դավիթ Ղազինյանը։
Ըստ նրա՝ ժողովրդի վճարած հարկերով կատարվող գործողություններն իշխանությունները փորձում են վերագրել իրենց, հայտնում է Aysor.am-ը:
ՀԷՑ-ում նոր սպառող բաժանորդների վճարների թանկացումը վերագրվում էր մեզ այն պարագայում, երբ մենք որևիցե գործիք չունեինք դա անելու: Դա անում էր Հանրային ծառայությունները կարգավորող հանձնաժողովը։ Հիմա որոշել են այդ վճարներն իջեցնել, դա իրենց կողմից ընտրակաշառքի մի ձև է, այնպես ինչպես թոշակները և մյուս բաները, որոնք կատարվում են»,-ասել է Ղազինյանը։
«Հայաստանի էլեկտրական ցանցեր» ընկերությունում մեկնարկել է նոր սպառողների՝ բաշխման ցանցին միացման վճարների 30-40% նվազեցման գործընթացը։ Ըստ նախնական հաշվարկների՝ որոշ կատեգորիաներում նվազեցումը կարող է հասնել մինչև 45%-ի: