ԱՄՆ պետդեպարտամենտը հայտարարել է 3 միլիոն դոլարի պարգևատրման մասին՝ Իրաքում ԱՄՆ դիվանագիտական հաստատությունների վրա հարձակումների վերաբերյալ տեղեկատվության համար։ Այդ մասին ասվում է գերատեսչության «Rewards for Justice» ծրագրի էջում:
«Մինչև 3 միլիոն դոլար պարգևատրում՝ Իրաքում դիվանագիտական հաստատությունների վրա հարձակումների վերաբերյալ տեղեկատվության համար: Բաղդադում ԱՄՆ դեսպանատունը, Էրբիլում գտնվող գլխավոր հյուպատոսությունը և Բաղդադում գտնվող դիվանագիտական աջակցության կենտրոնը բազմիցս ենթարկվել են հարձակումների։ Եթե ունեք համապատասխան տեղեկատվություն, խնդրում ենք կապվել մեզ հետ», – ասվում է X-ի էջում հրապարակված գրառման մեջ: