Իրանի նախագահ Մասուդ Փեզեշքիանը բաց նամակ է ուղղել ամերիկյան հասարակությանը՝ կոչ անելով ԱՄՆ քաղաքացիներին վերարժևորել Իրանի քաղաքականության վերաբերյալ ձևավորված կարծրատիպերը: Նամակում Իրանի առաջնորդը ընդգծել է, որ Թեհրանի և Վաշինգտոնի հարաբերությունները այսօր համարվում են ժամանակակից աշխարհաքաղաքականության ամենաբարդ ու սխալ ընկալված հարաբերություններից մեկը:
Փեզեշքիանը պաշտոնապես հայտարարել է, որ իրանական ժամանակակից պատմության ընթացքում երկիրը երբեք չի ընտրել ընդլայնման, գաղութացման կամ գերիշխանության ուղին և երբեք չի եղել պատերազմների նախաձեռնողը:
Իրանի նախագահը հիշեցրել է, որ ԱՄՆ-ն երկու անգամ անխոհեմ ռազմական գործողություններ է իրականացրել երկրի դեմ անմիջապես բանակցությունների ընթացքում:
Նրա խոսքով՝ անընդհատ արտաքին ճնշումների և պատժամիջոցների պայմաններում Իրանը ոչ միայն պահպանել է իր կայունությունը, այլև զգալիորեն բարձրացրել իր ուժը բոլոր հիմնական ոլորտներում:
Նամակի ավարտին Փեզեշքիանը կոչ է արել ամերիկացիներին դուրս գալ սովորական քաղաքական հռետորաբանության շրջանակներից և ձգտել ապագայի, որը հիմնված կլինի ոչ թե հակասության, այլ ճշմարտության, արժանապատվության և փոխադարձ հարգանքի վրա: Իրանի առաջնորդի կարծիքով՝ երկխոսությունն ու անցյալի իրականության ըմբռնումը անհրաժեշտ են ներկայիս լարված իրավիճակը փոխելու համար: