Ապրիլի 1-ը սովորաբար համարվում է կատակի օր, սակայն այդ օրը նախատեսված է պատմական տիեզերական առաքելություն։ NASA-ն պատրաստվում է դեպի Լուսին ուղարկել չորս տիեզերագնացների «Artemis 2» առաքելության շրջանակում:
Թռիչքը նախատեսված է ապրիլի 1-ին՝ Ֆլորիդայում գտնվող Kennedy Space Center տիեզերակայանից։Ըստ կանխատեսումների՝ մեկնարկի պահին եղանակային պայմանների բարենպաստ լինելու հավանականությունը մոտ 80% է։ Առաքելության փորձարկումների տնօրեն Jeff Spaulding-ը նշել է, որ թիմը լիովին կենտրոնացած է առաքելության վրա և չի ցանկանում ապրիլմեկյան կատակներ։ Նրա խոսքով՝ ոչ մի կատակ կամ նման փորձ չի նախատեսվում, քանի որ առաջնայինը անվտանգ և հաջող մեկնարկն ապահովելն է։
«Artemis 2»-ը լինելու է NASA-ի նոր սերնդի լուսնային ծրագրի առաջին անձնակազմով փորձնական թռիչքը։ Տիեզերագնացները Լուսնի շուրջ կթռչեն մոտ 10 օր տևողությամբ առաքելության ընթացքում՝ օգտագործելով Space Launch System հրթիռը և Orion spacecraft տիեզերանավը։ Եթե թռիչքը հաջող անցնի, այն ճանապարհ կհարթի հետագա լուսնային առաքելությունների համար։ «Artemis program»-ի շրջանակում նախատեսվում է առաջիկա տարիներին նորից վայրէջք կատարել Լուսնի վրա և ապագայում այնտեղ ստեղծել մշտական բազա։