Radar-Զրույցի այսօրվա հյուրն է «+374» քաղաքական ինքնորոշման ակումբի նախագահ Գարեգին Միսկարյանը։
Անդրադառնալով Հայաստանում մեկնարկած նախընտրական փուլին՝ Միսկարյանը նշեց. Հայաստանում քաղաքական գործընթացներ չկան․ «Կան քաղաքական բաղադրիչ ունեցող գործընթացներ, որոնք կոչում ենք ընտրություններ։ Դրանք ժողովրդավար պետություններում ժողովրդավարության փոքր, բայց կարևոր բաղադրիչ են։ Ժողովրդավարությունը միայն ընտրությունները չեն»։
Ըստ Միսկարյանի՝ այն գործընթացը, որ հիմա տեղի է ունենում Հայաստանում, ապաքաղաքական ընտրություններ է․
«Ինչ տեղի է ունենում ապաքաղաքական ընտրությունների շրջանակում, տարբեր կերպ կարելի է բնութագրել. և՛ որպես շոու, և՛ որպես իշխանության համար ուղիղ պայքար, և՛ ազդեցության ոլորտների կամ տարածաշրջանային դերակատարների փոփոխության փորձեր։ Այս ընտրություններում մենք, որպես ժողովուրդ, որպես պետություն, սուբյեկտ, որևէ կերպ ներկայացված չենք»։
Մանրամասները՝ տեսանյութում։