Ռուս խորհրդարանականների՝ մարտի 26-27-ը ԱՄՆ կատարած այցը կարևոր նշանակություն ունի երկու երկրների հարաբերությունների համար, ՏԱՍՍ-ին ասել է ՌԴ փոխարտգործնախարար Սերգեյ Ռյաբկովը։
«Այցելությունը կարևոր նշանակություն ունի։ Նման շփումներ տարիներ շարունակ չեն եղել։ Այսօրվա ժամանակներում սա պատմական հանգրվան է։ Կարևոր է, որ խորհրդարանականները մի շարք հանդիպումներ անցկացրին ոչ միայն փակ դռների հետևում, այլև շփվեցին քաղաքագիտական հանրության և լրատվամիջոցների հետ», – նշել է նա։
Ըստ փոխարտգործնախարարի՝ այցի ազդեցությունն ակնհայտ է։
«Հաշվի առնելով մեր երկկողմ հարաբերություններում, մեղմ ասած, մշտական լճացումը և ռուս-ամերիկյան հարաբերությունների կայունացման դժվարությունները, նման նախաձեռնությունները պահանջված են», – հավելել է դիվանագետը։