Ռուսաստանի պաշտպանության նախարարությունը հայտնել է, որ անձնակազմի 6 անդամ և 23 ուղևոր զոհվել են Ղրիմում պլանային թռիչք իրականացնող ռազմատրանսպորտային ինքնաթիռի կործանման հետևանքով։ Ինքնաթիռի հետ կապը կորել է մարտի 31-ին՝ մոտավորապես ժամը 18:00-ին։ Ռուսական լրատվամիջոցների տվյալներով՝ ինքնաթիռը բախվել է ժայռի։
ՌԴ ՊՆ-ում նշել են, որ «ինքնաթիռի վրա արտաքին ազդեցություն չի եղել»։ Նախնական վարկածով՝ աղետը տեղի է ունեցել տեխնիկական անսարքության պատճառով։
Ан-26-ը թեթև ռազմատրանսպորտային ինքնաթիռ է, նախատեսված միջին հեռավորությունների վրա զորքերի և տեխնիկայի տեղափոխման համար։ Վերջին տարիներին Ռուսաստանում այս մոդելի ինքնաթիռների վթարները առաջինը չեն։ 2021 թվականի հուլիսի 6-ին ևս մեկ Ан-26 կործանվել էր Կամչատկայում, և բոլոր 28 ուղևորները զոհվել էին։ Վարկածներից մեկի համաձայն՝ պատճառը եղել էր վատ տեսանելիության պայմաններում օդաչուի կատարած սխալ գործողությունը։