ԱՄՆ նախագահ Դոնալդ Թրամփը հայտարարել է, որ Միացյալ Նահանգները կարող են ընդամենը 2-3 շաբաթվա ընթացքում դադարեցնել Իրանի դեմ ռազմական հարձակումները, և Թեհրանին պարտադիր չէ գործարք կնքել որպես հակամարտության ավարտի նախապայման։
«Մենք շատ շուտով կհեռանանք»,- ասել է Թրամփը երեքշաբթի լրագրողներին։ Նրա խոսքով՝ դա կարող է տեղի ունենալ «երկու շաբաթվա ընթացքում, գուցե երկու, գուցե երեք շաբաթում»։
Հարցին՝ արդյոք հաջող դիվանագիտությունը անհրաժեշտ պայման է «Էպիկական կատաղություն» գործողությունը ավարտելու համար, Թրամփը պատասխանել է բացասաբար։
«Իրանին պետք չէ գործարք կնքել, ոչ,- ասել է նա։ -Ոչ, նրանց պետք չէ գործարք կնքել ինձ հետ»։
Թրամփի խոսքով՝ Միացյալ Նահանգները հասել են այն նպատակներին, որոնք դրված էին փետրվարի վերջին Իրանի վրա ավիահարվածներ սկսելուց առաջ՝ սահմանափակել Իրանի միջուկային զենք ձեռք բերելու ունակությունը, և այժմ ԱՄՆ-ը «ավարտում է աշխատանքը»։ Նա նաև ասել է, որ իրանական իշխանությունները «աղաչում են գործարք կնքել»։