Իրանի դեսպանը Բեյրութում, չնայած Լիբանանի իշխանությունների կողմից պերսոնա նոն գրատա հայտարարվելուն, կշարունակի պաշտոնավարել իր պաշտոնում։ Նա այժմ գտնվում է Լիբանանում, հայտարարել է Իրանի արտաքին գործերի նախարարության խոսնակ Իսմայիլ Բաղային։
Մարտի 24-ին Լիբանանի իշխանությունները չեղյալ են հայտարարել Իրանի դեսպանի հավատարմագրումը և նրան հայտարարել են պերսոնա նոն գրատա։ Լիբանանի արտաքին գործերի նախարարությունն այն ժամանակ հավելել էր, որ այս որոշումը չի նշանակում երկու երկրների միջև դիվանագիտական հարաբերությունների խզում։
«Մեր դեսպանությունը Լիբանանում գործում է։ Հաշվի առնելով քննարկումները, մեր դեսպանը կշարունակի ծառայել որպես դեսպան Բեյրութում և կմնա այնտեղ», – ասել է Բաղային ճեպազրույցի ժամանակ։