Չինաստանը հաջողությամբ տիեզերք է արձակել Shiyan-33 («Շիյան-33») փորձարարական արբանյակը, որը նախատեսված է տիեզերական միջավայրի ուսումնասիրության համար. հայտնում է Xinhua գործակալությունը։ Արբանյակը ուղեծիր է դուրս բերվել CZ-2C («Չանչժեն-2-Սի») կրող հրթիռով, որը համալրված էր Yuanzheng-1S արագացուցիչ բլոկով։ Թռիչքը իրականացվել է Չինաստանի հյուսիս-արևմուտքում գտնվող Ցզյուցուան տիեզերակայանից։
Չինաստանը վերջին տարիներին արագ զարգացնում է իր ազգային տիեզերական ծրագիրը։ Երկիրը ստեղծում է օդերևութաբանական, հեռահաղորդակցական և նավիգացիոն արբանյակներ, ինչպես նաև ծրագրեր է իրականացնում Լուսնի, Մարսի և աստերոիդների ուսումնասիրման համար։ Երկրի ուղեծրում արդեն գործում է նաև Չինաստանի սեփական տիեզերակայանը, որը նախատեսված է նաև միջազգային համագործակցության համար։