News.am-ը գրում է․
Քիչ առաջ ձերբակալվել է Ալեն Սիմոնյանի հետ երեկ խորհրդարանի դիմաց վեճի բռնված եւ նրան հայհոյած անձը՝ Միքայել Մարգարյանը։ Այս մասին ուղիղ եթերում հայտնել է նրա որդին։
«Սպեցնազը եկել է մեր տուն, մոտ 15-20 մարդ ու տարել են հորս՝ քրոջս, տատիկիս ներկայությամբ։ Մենք չգիտենք՝ ուր են տարել»,– ասել է նա։
Ըստ ոստիկանության, խուլիգանություն կատարելու կասկածանքով ձերբակալվել է մեկ անձ:
Հիշեցնենք, որ երեկ ԱԺ–ի դիմաց միջադեպ էր տեղի ունեցել Ալեն Սիմոնյանի մասնակցությամբ։ Ալեն Սիմոնյանին հայհոյել էր Միքայել Մարգարյանը։ ԱԺ նախագահն էլ նրան էր հայհոյել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: