ԱՄՆ-ն և Իսրայելը հարված են հասցրել Իրանի կենտրոնական Յազդ նահանգում գտնվող ուրանի հանքաքարի խտանյութի գործարանին։ Այս մասին հայտնել է Իրանի ատոմային էներգիայի կազմակերպությունը։
«Յազդ նահանգի Էրդեկան քաղաքում գտնվող ուրանի հանքաքարի խտանյութի (yellowcake) գործարանը թիրախավորվել է ԱՄՆ-Իսրայելական ուժերի կողմից», – ասվում է կազմակերպության հայտարարության մեջ, որը մեջբերել է Իրանի պետական հեռարձակողը։ Նախնական տվյալներով՝ հարվածի հետևանքով ռադիոակտիվ տարրերի արտանետում չի եղել։