Ռուս-ադրբեջանական հարաբերությունները զարգանում են համատեղ պատմական անցյալի, այդ թվում՝ մշակութային ժառանգության ամուր հիմքի վրա։
Ըստ ադրբեջանական APA -ի՝ Ռուսաստանի նախագահ Վլադիմիր Պուտինը այս հայտարարությունն արել է Դերբենտում Ադրբեջանի պետական երաժշտական-դրամատիկական թատրոնի բացման ժամանակ։
Բացմանը տեսակապով մասնակցելով՝ Ռուսաստանի նախագահը ընդգծել է, որ Դերբենտում վերանորոգված Ադրբեջանի պետական դրամատիկական թատրոնի բացումը նշանակալի իրադարձություն կլինի Դաղստանի Հանրապետության, Ռուսաստանի և հարևան պետությունների մշակութային կյանքում։
Իր ելույթում Պուտինը նաև անդրադարձել է ռուս-ադրբեջանական երկկողմ հարաբերությունների զարգացմանը՝ նշելով, որ դրանք կառուցված են համատեղ պատմության և մշակութային ժառանգության ամուր հիմքի վրա։