«Զենիթի» և Կազանի «Ռուբինի» նախկին ֆուտբոլիստ Սարդար Ազմունի ակտիվները բռնագրավվել են Իրանում։ Այս մասին հայտնել է իրանական «Ֆարս» լրատվական գործակալությունը։
Որոշումը կայացրել է Իրանի Գոլեստան նահանգի դատախազությունը։ Գործակալության տվյալներով՝ Ազմունը գտնվում է Իսրայելին և Միացյալ Նահանգներին աջակցելու մեջ մեղադրվող 16 անձանց ցուցակում։
«Այս բոլոր անձինք աջակցել են սիոնիստական ռեժիմի և ԱՄՆ ահաբեկչական կառավարության հետ կապված համագործակցողներին և բնակվում են Իրանից դուրս», – ասվում է հայտարարության մեջ։
Նշենք,որ Սարդար Ազմունը այժմ խաղում է Դուբայի «Ալ Ահլի» ակումբում։