Զոհված զինծառայողների ծնողները հանցագործության մասին հաղորդում են ներկայացրել դատախազությանը՝ պահանջելով քրեական վարույթ նախաձեռնել ՀՀ վարչապետ Նիկոլ Փաշինյանի դեմ պետական դավաճանության և մարդկայնության դեմ ուղղված հանցագործության համար։
Փաստաբան Վահան Հովհաննիսյանն իրավապահ մարմինների անունից խնդրել է Փաշինյանին օգտվել սահմանդրական՝ լռելու իրավունքից, քանի որ իրավաբաններն արդեն չեն հասցնում հանցագործության մասին հաղորդում ներկայացնել։
«Մեր գրասենյակը վերջին 3 օրերի ընթացքում արդեն 3-րդ հաղորդումն է ներկայացնում։ Երեկ ԱԺ-ում հարցուպատասխանի ընթացքում Փաշինյանը նշել էր, թե գնացել են գիտակցված զոհողությունների՝ փրկության համար։ Այսինքն` ընդունել է, որ այն, ինչ կատարվել է 2020թ-ին պատերազմի ընթացքում՝ իր դիտավորյալ զոհողությունն է»,- նշել է Վահան Հովհաննիսյանը։