26 մարտի 2026 – 14:59 AMT
PanARMENIAN.Net – Պարա փաուերլիֆթինգի (ծանրամարտի) 2026 թվականի Հայաստանի առաջնության անցկացումը հետաձգվել է՝ կապված մարզագույքի մաքսազերծման ուշացման հետ, հայտնել է Պարա փաուերլիֆթինգի ֆեդերացիան:
Մրցումային մարզագույքի մաքսազերծման գործընթացի ավարտից հետո առաջնության նոր ժամկետը կհայտարարվի լրացուցիչ։
Պարա փաուերլիֆթինգի (ծանրամարտի) 2026 թվականի ՀՀ առաջնությունը նախատեսվում էր անցկացնել մարտի 28-ին Գյումրիում՝ Գյումրու ՄԲՎԴ մարզադահլիճում:
Առաջնության ֆինանսավորումը իրականացվել է պետական բյուջեի միջոցներով՝ ՀՀ ԿԳՄՍ նախարարության և Հայաստանի ազգային պարալիմպիկ կոմիտեի միջև կնքված դրամաշնորհային պայմանագրի շրջանակում։ Հայտերի ներկայացման վերջնաժամկետը սահմանվել է 2026 թվականի մարտի 20-ը։