ԱԺ-ն քննարկում է ՍԴ դատավորի պաշտոնում Վլադիմիր Վարդանյանի թեկնածությունը

ԵՐԵՎԱՆ, 24 մարտի․/Նովոստի-Արմենիա/. ԱԺ-ն այսօրվա նիստում քննարկում է ԱԺ պատգամավոր Վլադիմիր Վարդանյանին Սահմանադրական դատարանի դատավորի պաշտոնում ընտրրելու հարցը։

Վլադիմիր Վարդանյանի թեկնածությունն առաջադրել է Հայաստանի Հանրապետության նախագահը:

Նշենք, որ Վլադիմիր Վարդանյանն այժմ զբաղեցնում է Պետական-իրավական հարցերի մշտական հանձնաժողովի նախագահի պաշտոնը:

Հիշեցնենք, որ մարտի 19-ին Վլադիմիր Վարդանյանը պատգամավորի մանդատից հրաժարվելու  դիմում էր ներկայացրել:

Անդրադառնալով իր հրաժարականի դիմումին՝ Վարդանյանը հայտնել է, որ կա պահանջ հրաժարվել այս մանդատից, քանի որ անձը չի կարող միաժամանակ գտնվել 2 երդումների ներքո։