Լրագրող Նարինե Ղալեչյանի ֆեյսբուքյան գրառումը. «Հիվանդանոցների հերթերն առհասարակ չէր համակարգվում, իսկ ապահովագրության համակարգի ներդրումից հետո՝ տիպիկ գումի շուկա:
Իքս բժշկի մոտ մտնելու համար պետք է ֆորտ բոյարի խոչընդոտներ հաղթահարես:
Դիցուկ, բժիշկը 4-րդ հարկում է, դու պետք է իջնես առաջին հարկ, որտեղ հերթն արդեն դռնից դուրս է գալիս, իսկ վճարման ապարատը 1 հատ է (մի ափսոսեք, մի քանի հատ դնել, կամ առհասարակ դրանք վերացնել):
Վերելակից դուրս եկար, մի այլ փորձություն՝ խճճված միջանցնքեր, փակ դռներ, կոճակը սեղմում ես, որ մտնես, եթե բախտդ բերի մեկը դուրս գալիս կբացի, չէ պետք է անվերջ կանգնես:
Մի քանի խուճուճ միջանցքներով պետք է անցնես, որ կարողանաս գտնել բաժանմունքը, որտեղ ուզում ես գնալ:
Մի կերպ հասար բժշկիդ, բայց արդեն հերթդ անցել է: Պետք է միջանցքում սպասես, իսկ միջանցքում քույրերի բարձր զրույցը (մի ծայրից մեկը)՝ եսիմ ում աբորտի թուղթը բեր ու էդպես շարունակ:
Հանկարծ, եթե բախտդ բացվեց, մտար բժշկիդ մոտ ու պարզվեց, որ խորհրդատվությունից զատ նաև լրացուցիչ այլ հետազոտություն է հարկավոր, նորից պետք է ամեն ինչ զրոյից սկսես:
Հերթերը կարգավորում է մեկ աշխատակից, որը ֆիզիկապես ի վիճակի չէ և՛ տերմինալի մոտ օգնել մարդկանց, և՛ հերթերը կարգավորել: Ու այսպես, միջինում 1 ժամ պետք է ծախսես, որ բժշկիդ բաղձալի դուռը բացես: Էլ չասեմ, եթե պետք է անկետա բացել, քանի հոգու պետք է հարցնես՝ ինչպես, որտեղ ու այդպես էլ պատասխանը չստանաս, գնաս բժշկիդ մոտ, հետո ստիպված ինքը կարգավորի դրանք:
Ինչո՞ւ պետք է բժիշկն իր գործը թողնի, իջնի, փորձի անձամբ աջակցել, որ մյուս ստուգումներն էլ անցնենք: Եթե դա չաներ, ենթադրում եմ, որ մի ողջ օր էստեղ կմնայինք, իսկ ես արդեն հրաժարվում էի մյուս ստուգումներն այստեղ շարունակել:
ՀՀ առողջապահության նախարարություն, շատ խիստ հանձնարարեք ապահովագրությամբ աշխատող հիվանդանոցներին, թող արագ կարգավորեն իրենց հերթերի համակարգումը: Վճարման մի քանի ապարատ թող դնեն, սպասարկող անձնակազմի թիվն ավելացնեն, միջանցքում հերթեր կարգավորող մի քանի աշխատակից ընդգրկեն, մեկը չի կարող դա անել:
Ամեն բաժանմունքի համար հերթագրման մի քանի կետ առանձնացրեք: Ջրի քուլերների բաժակներն արագ թարմացրեք, հո բռո՞վ չենք խմելու: Էս աստիճան թքա՞ծ ունենալ պացիենտի վրա․․․
Գոհ չլինեի բժշկից՝ կլինիկայի անունը կգրեի ու տնօրենին կզանգեի (նույն խնդրով մի քանի անգամ զանգել եմ, բայց ոչ մի փոփոխություն):
Հ.Գ. Պետական ապահովագրությունից չօգտվեցի, որ իբր ավելի արագ լինի ամեն ինչ, բայց փաստորեն ոչ մի տարբերություն…
Փաստորեն, պետք emergency հիվանդ լինես, որ արագ կազմակերպվի ամեն ինչ:
Մի խոսքով՝ բարդակ»։