23 մարտի 2026 – 13:05 AMT
PanARMENIAN.Net – Հայաստանում կազմակերպվելու է «Ծաղկունք» միջազգային 10-րդ հոբելյանական փառատոնը, որի շրջանակում նախատեսվել են մի շարք միջոցառումներ և համերգներ տարբեր հարթակներում։
Ալեքսանդր Սպենդիարյանի անվան օպերայի և բալետի ազգային ակադեմիական թատրոնում ապրիլի 13-ին փառատոնի շրջանակում համերգ տեղի կունենա:
«Փառատոնը միավորում է տարբեր երկրների պարային խմբերի և մշակութային կազմակերպությունների՝ ստեղծելով հարթակ միջազգային համագործակցության և մշակութային փոխանակման համար։ Այս տարվա հոբելյանական թողարկումն առանձնանում է ընդլայնված ձևաչափով և մի քանի բեմերում անցկացվող համերգներով։
Միջոցառմանը նախատեսվում է մասնակցություն տարբեր երկրներից ժամանած պարային անսամբլների՝ Ֆրանսիայի (Ստրասբուրգ, Լիոն), Մեծ Բրիտանիայի (Լոնդոն), Հունաստանի (Աթենք), Վրաստանի (Թբիլիսի), Ռուսաստանի (Սոչի), ինչպես նաև Հայաստանի պարային խմբերի կողմից»,-ասվում է հաղորդագրության մեջ:
Փառատոնի շրջանակներում նախատեսված են մի շարք համերգներ․ մարտի 28-ին՝ Հակոբ Պարոնյանի անվան երաժշտական կոմեդիայի պետական թատրոն, ապրիլի 13-ին՝ Ալեքսանդր Սպենդիարյանի անվան օպերայի և բալետի ազգային ակադեմիական թատրոն, ապրիլի 17-ին՝ Վրաստանի Վասո Աբաշիձեի անվան պետական երաժշտական և դրամատիկական թատրոն։
Հոբելյանական ծրագրի ավարտը նախատեսված է հոկտեմբերի 25-ին՝ Մոսկվայում, MOS PRODUCER համերգասրահում: