Ինքնաթիռում գտնվող 100 ուղևորների վիճակն այժմ գնահատվում է. ՎԻԴԵՈ
ԵՐԵՎԱՆ, 23 մարտի․/Նովոստի-Արմենիա/. Air Canada ավիաընկերությանը պատկանող Bombardier CRJ-900 ինքնաթիռը LaGuardia օդանավակայանում բախվել է օդանավակայանի փրկարարական ծառայության մեքենային, ինչի հետևանքով նավահանգստային վարչության առնվազն երկու ոստիկան լուրջ վնասվածքներ են ստացել, հայտնում է New York Post-ը։
Արտակարգ իրավիճակների նախարարության մեքենաները շրջափակել են LaGuardia օդանավակայանի թիվ 4 թռիչքուղին այն բանից հետո, երբ Մոնրեալից ժամանող ինքնաթիռը բախվել է հրշեջ մեքենային կիրակի ուշ երեկոյան՝ ժամը 23:40-ի սահմաններում:
Բախման հետևանքով ինքնաթիռի առաջնամասը ջախջախվել է և թեքվել դեպի վեր: Նշվում է, որ վիրավոր ոստիկանները ծառայում են Նավահանգստային վարչության ոստիկանության բաժնի (PAPD) օդանավերի փրկարարական հրշեջ ստորաբաժանումում:
Ինքնաթիռում գտնվող 100 ուղևորների վիճակն այժմ գնահատվում է: Հայտնի է, որ օդանավը տեղափոխում էր ուղղափառ հրեաների մի խումբ Նյու Յորքի տարածաշրջանից:
ColLive-ի փոխանցմամբ՝ բախումը տեղի է ունեցել այն պահին, երբ Jazz Airlines- կողմից շահագործվող ինքնաթիռն ուղևորվում էր դեպի նստեցման կետ, քանի որ եղանակային պայմանները վատթարացել էին։
Նշվում է, որ այս պահին LaGuardia օդանավակայանը փակ է, իսկ Դաշնային ավիացիոն վարչությունը (FAA) թռիչքների դադարեցման հրաման է արձակել։ FAA-ն, Նավահանգստային վարչությունը և Air Canada-ն դեռևս պաշտոնապես չեն մեկնաբանել իրողությունը։
