Իրանի նախագահ Մասուդ Փեզեշքիանը հեռախոսազրույց է ունեցել Հնդկաստանի վարչապետ Նարենդրա Մոդիի հետ։
Փեզեշքիանը զրույցի ընթացքում նշել է, որ տարածաշրջանում պատերազմի դադարեցման համար անհրաժեշտ է անհապաղ դադարեցնել ԱՄՆ-ի և Իսրայելի ագրեսիան, ինչպես նաև ապահովել երաշխիքներ, որ նման գործողությունները չեն կրկնվի։
Հնդկաստանի վարչապետը, իր հերթին, հայտնել է երկրի խորը մտահոգությունը Մերձավոր Արևելքում լարվածության և հակամարտությունների սրման կապակցությամբ։ Նա խստորեն դատապարտել է տարածաշրջանի էներգետիկ ենթակառուցվածքների վրա ցանկացած հարձակում՝ ընդգծելով, որ դրանք լուրջ սպառնալիք են պարենային և էներգետիկ անվտանգությանը, ինչպես նաև կարող են խաթարել գյուղատնտեսական արտահանումն ամբողջ աշխարհում։
Մոդին նաև կոչ է արել պահպանել Հորմուզի նեղուցի անվտանգությունը և ապահովել նավարկության ազատությունը Պարսից ծոցում։