Իրանի զինվորականները հարձակվել են Իսրայելի ռազմաարդյունաբերական համալիրների, ինչպես նաև Մերձավոր Արևելքում գտնվող մի քանի ամերիկյան բազաների վրա, հայտարարել է Իրանի Իսլամական հեղափոխության պահապանների կորպուսը (ԻՀՊԿ):
««Իրական խոստում 4» գործողության 69-րդ ալիքը ( ԱՄՆ-ի և Իսրայելի դեմ – խմբ.) հաջողությամբ իրականացվել է», – ասվում է Իրանի պետական հեռարձակողի կողմից մեջբերված հայտարարության մեջ։
Իսլամական հեղափոխության պահապանների կորպուսը հայտնել է, որ հարձակվել է Թել Ավիվում, Աքրում և Հայֆայում գտնվող թիրախների վրա։ Դրանց թվում են ինչպես զինվորականներին լոգիստիկ աջակցություն ցուցաբերող ընկերությունները, այնպես էլ ռազմաարդյունաբերական համալիրի և հեռահաղորդակցության ոլորտի ընկերությունները։