ՄԱՀԱԶԴ
Տիկին Իսկուհի Տեմիրճեան եւ զաւակունք
Տէր եւ տիկին Ճորճ Գըլըճեան եւ զաւակունք
Տէր եւ տիկին Սարգիս Գըլըճեան եւ զաւակունք
Սօսի Ինճէեան
եւ համայն ազգականներ կը գուժեն իրենց մօր, մեծ մօր, քրոջ եւ հարազատին`
ՄԱՐԳՐԻՏ ԻՆՃԷԵԱՆԻ
(Ծնեալ` 1945-ին)
մահը, որ պատահեցաւ հինգշաբթի, 5 մարտ 2026-ին, Ամերիկայի մէջ, յետ կարճատեւ հիւանդութեան:
Յուղարկաւորութեան արարողութիւնը պիտի կատարուի վաղը` շաբաթ, 21 մարտին, կէսօրէ ետք ժամը 2:00-ին, Պըրպենքի Ս. Լիոն եկեղեցւոյ մէջ:
Ներկայս ընդունիլ իբրեւ մահազդ:
Ցաւակցութիւնները կ՛ընդունուին եկեղեցւոյ բակին մէջ:
————————————–
ԱՆԹԻԼԻԱՍԻ ՈՒԽՏԻ ՕՐ
Կիրակի, 22 մարտ 2026-ի առաւօտեան ժամը 10:00-ին, Անթիլիասի Ուխտի օրուան առիթով, մայրավանքի Սուրբ Գրիգոր Լուսաւորիչ մայր տաճարին մէջ պիտի մատուցուի Ս. եւ անմահ Պատարագ:
Նախագահութեամբ`
ՆՍՕՏՏ ԱՐԱՄ Ա. ՎԵՀԱՓԱՌ ՀԱՅՐԱՊԵՏին
Պիտի պատարագէ ու քարոզէ
ԳԵՐՇ. Տ. ՇԱՀԷ ԱՐՔ. ՓԱՆՈՍԵԱՆ
Առաջնորդ Լիբանանի Հայոց Թեմի
Սուրբ պատարագի աւարտին, վեհափառ հայրապետին գլխաւորութեամբ, մեր հաւատքի հօր` Սուրբ Գրիգոր Լուսաւորիչ հայրապետին Աջով եւ այլ սրբազան մասունքներով տեղի պիտի ունենայ աւանդական թափօր եւ Լուսաւորչի Աջով պիտի կատարուի ջրօրհնէք:
Եկեղեցական արարողութեան աւարտին, Աջը պիտի տեղադրուի Ս. Խորանի բեմին վրայ, մինչեւ իրիկուան ժամը 7:00: Հաւատացեալներ, հերթաբար մօտենալով, պիտի կարողանան ստանալ Ս. Լուսաւորիչ հայրապետին օրհնութիւնը եւ օրհնուած ջուր:
. Շաբաթ, 21 մարտ 2026-ի առաւօտեան ժամը 10:00-ին, Սուրբ Գրիգոր Լուսաւորիչ հայրապետին Մուտն ի Վիրապ յիշատակութեան առիթով, սուրբ եւ անմահ պատարագ պիտի մատուցուի կաթողիկոսարանի մայր տաճարին մէջ:
. Իսկ երեկոյեան ժամը 19:00-ին, Անթիլիասի Ուխտի օրուան առիթով պիտի կատարուի հսկումի արարողութիւն` նախագահութեամբ վեհափառ հայրապետին եւ մասնակցութեամբ միաբան հայրերու ու դպրեվանքի ուսանողներու: Արարողութեան աւարտին վեհափառ հայրապետը պիտի ուղղէ իր հայրապետական պատգամը:
ԾԱՆՕԹ
Կիրակի օր ժամը 9:30-ին փոխադրակառքեր տրամադրուած պիտի ըլլան հետեւեալ վայրերէն`
1) Սրբոց Վարդանանց եկեղեցի, Պուրճ Համուտ
2) ՔԱՀԼ-ի ազգային ծերանոց, Պուրճ Համուտ
3) Ս. Ագնէս վարժարան, Պուրճ Համուտ
4) Պանք աֆ Պէյրութ, Հաճըն
5) Ս. Յովհաննու Կարապետ եկեղեցի, Հայաշէն
6) Ս. Երրորդութիւն մատուռ, Ֆանար
7) Անուշավաճառ Տաղեր եւ Ժտէյտիի հանրային պարտէզ, Ժտէյտի
8) Թիքօ-Թիքօ, Զալքա
9) «Աղբալեան» ակումբ, Մըզհեր
10) Սիմիտեան շէնքեր, Անթիլիաս
ԴԻՒԱՆ ԿԱԹՈՂԻԿՈՍԱՐԱՆԻ
————————————–
ՀԱՅ ԱՒԵՏԱՐԱՆԱԿԱՆ ԷՄՄԱՆՈՒԷԼ ԵԿԵՂԵՑԻ, ՆՈՐ ԱՄԱՆՈՍ
ԿԼՈՐ ՍԵՂԱՆ
Ընդհանուր նիւթ`
«ՔՐԻՍՏՈՆԵԱՅ ՀԱՒԱՏԱՑԵԱԼԸ ԵՒ ԴՐԱՄԸ»
Հինգշաբթի, 26 մարտ 2026-ին, երեկոյեան ժամը 7:00-ին, Հայ աւետարանական Էմմանուէլ եկեղեցի, Նոր Ամանոս
«Կլոր Սեղան»-ի նիւթն ու մասնակցողները
1) «Աստուածաշունչը ի՞նչ կ՛ըսէ, դրամին մասին եւ հաւատացեալը ինչպէ՞ս կը վարուի անոր հետ` սահմանում, համոզում եւ վերաբերմունք»
Տիար Ժան Սաղըրեան
2) «Հաւատացեալը Business-ի աշխարհին մէջ. ինչպէ՞ս կարելի է քրիստոնէական հաւատքի արժէքներով եւ տրամաբանութեամբ գործել»
Տիար Կերի Պուճիքեան
3) «Եկեղեցին իբրեւ հաստատութիւն ինչպէ՞ս կը վարուի դրամին հետ. դիզել, բաշխել կամ այլ»
Վեր. դոկտ. Փոլ Հայտոսթեան
ԾԱՆՕԹՈՒԹԻՒՆ
1) Պահը կը համադրէ` վեր. Յովհաննէս Սվաճեան
2) Ներկայացուած նիւթերուն կը յաջորդէ հարց-պատասխանի պահ մը
3) Յայտագիրէն ետք` հիւրասիրութիւն
4) Կառատունը ապահովուած է` եկեղեցւոյ շրջափակը