20 մարտի 2026 – 17:05 AMT
PanARMENIAN.Net – ԱԺ հանձնաժողովը դրական եզրակացություն է տվել մոպեդները, տրիցիկլները և քվադրիցիկլները պարտադիր ապահովագրության դաշտում ներառելու նախագծին: Երկրորդ ընթերցմամբ քննարկել է «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» օրենքում փոփոխություններ և լրացում կատարելու մասին» օրենսդրական նախաձեռնությունը։
Վերոնշյալ երթևեկության միջոցներն ապահովագրելու են դրանց սեփականատերերը:
ՀՀ ներքին գործերի նախարարի տեղակալ Արմեն Ղազարյանը նշել է, որ առաջին ընթերցմամբ ընդունվելուց հետո նախագիծը փոփոխությունների չի ենթարկվել։
Այս պահի դրությամբ էլեկտրոնային ռեգիստրում հաշվառված է ավելի քան 2500 երկանիվ մոպեդ, 30 եռանիվ մոպեդ, 120-ից ավելի տրիցիկլ եւ քվադրիցիկլ: