Քրեական ոստիկանության Երևան քաղաքի վարչության թմրամիջոցների ապօրինի շրջանառության դեմ պայքարի բաժնի ծառայողներն օպերատիվ տեղեկությունն իրացրին Քննչական կոմիտեի հատկապես կարևոր գործերի քննության գլխավոր վարչության, Քրեական ոստիկանության Սյունիքի մարզային վարչության և Արարատի մարզի պարեկային ծառայողների հետ։
Առանձնապես խոշոր չափերի թմրամիջոց ներկրելու և իրացնելու կասկածանքով մայրաքաղաքի Շենգավիթ վարչական շրջանի տարածքում ձերբակալվեց 50-ամյա մի տղամարդ։ Նրա վարած ավտոմեքենան տեղափոխվեց պահպանվող հատուկ տարածք։
Դատարանի որոշմամբ ավտոմեքենայում կատարված խուզարկությամբ հայտնաբերվեց 9 կիլոգրամ մարիխուանայով փաթեթ։
Տղամարդը կալանավորվել է։ Նախաքննությամբ հանգամանքները պարզվում են։