Մերձավոր Արևելքում հակամարտության դադարեցումը կախված է Միացյալ Նահանգների քաղաքական կամքից, հայտարարել է ՄԱԿ-ի գլխավոր քարտուղար Անտոնիո Գուտերեշը։
«Հակամարտությունը պետք է ավարտվի, և ես կարծում եմ, որ այն դադարեցնելը Միացյալ Նահանգների ձեռքում է։ Հակամարտությանը վերջ դնելը հնարավոր է, բայց դա կախված է նրանց քաղաքական կամքից», – ասել է Գուտերեշը Politico-ին տված հարցազրույցում։
Գլխավոր քարտուղարի խոսքով՝ հակամարտության մեկ այլ կողմի՝ Իսրայելի ռազմավարությունն է ոչնչացնել Իրանի ռազմական ներուժը։