Հայաստանի հանրային ռադիոն հայկական ռադիոյի հիմնադրման 100-ամյակի կապակցությամբ հայտարարում է 40-50 րոպե տևողությամբ վավերագրական ֆիլմի արտադրության մրցույթ:
Մրցույթին կարող են մասնակցել վավերագրական ֆիլմարտադրության փորձ ունեցող այն ընկերությունները (իրավաբանական անձինք), որոնք ունեն առնվազն երեք վավերագրական ֆիլմ իրենց ֆիլմացանկում՝ նկարահանված վերջին 10 տարիների ընթացքում։
Հաղթողը կընտրվի Հանրային ռադիոյի մրցութային հանձնաժողովի հայեցողությամբ՝ վերջնաժամկետը լրանալուց հետո 7 օրվա ընթացքում։ Հաղթող ընկերության հետ կկնքվի պայմանագիր։
Մրցութային հայտերը և պահանջվող փաստաթղթերը պետք է ներկայացվեն մինչև ապրիլի 10-ը ներառյալ։
Հասցեն՝ ք․ Երևան, Ալեք Մանուկյան 5, Ռադիոտուն (հանձնել հանրային ռադիոյի գործադիր պրոդյուսեր Հակոբ Ռուբինյանին)։
Անհրաժեշտ փաստաթղթերի ցանկը, ֆիլմի ձևաչափը, լրացուցիչ պայմանները և ստեղծագործական առաջադրանքը ներկայացված են Տեխնիկական բնութագրում։