18 մարտի 2026 – 11:54 AMT
PanARMENIAN.Net – Մարտի 17-ի ուշ երեկոյան արցախցի զոհված զինծառայողի քրոջը ձերբակալել են վարչապետ Նիկոլ Փաշինյանի հասցեին գրառման համար, հայտնել է արցախցի փաստաբան Ռոման Երիցյանը ֆեյսբուքյան էջում:
Նա 5 երեխայի մայր է:
«Ուշ երեկոյան Նոր Հաճնում հինգ երեխաների ներկայությամբ (որից երեքը մանկահասակ) իր բնակության վայրից ձերբակալել և Դիլիջանի քննչական բաժին են տեղափոխել արցախցի զոհված զինծառայողի քրոջը։ «Ձերբակալելու պատճառը՝ ֆեյսբուքյան հարթակում Փաշինյանի հասցեին հնչեցված բռնության կոչ»,- նշել է նա:
Ավելի ուշ «Հայաստան» խմբակցության պատգամավոր Գեղամ Մանուկյանը հայտնել է, որ անչափահաս երեխաների մայրն արդեն վերադարձել է տուն, սակայն մարտի 18-ին նրան կրկին կանչել են հարցաքննության։
«Ռոման Երիցյանի հետ խոսեցի, անչափահաս երեխաների մայրն արդեն տանն է, բայց վաղը նորից հարցաքննության են կանչել»,-գրել է նա: