Իրանական իշխանությունները ի կատար են ածել Մոսադի օգտին լրտեսության մեջ դատապարտված Կուրուշ Կիվանիի մահապատիժը, հաղորդում է Fars-ը։
Իրանական պետական լրատվամիջոցների տվյալներով՝ Կիվանիին Իսրայելի հետախուզությանը տրամադրել է լուսանկարներ և տեղեկատվություն երկրի ռազմավարական նշանակություն ունեցող վայրերի մասին։ Մահապատիժն իրականացվել է դատական գործընթացների ավարտից և Իրանի Գերագույն դատարանի կողմից հաստատումից հետո։
Իսլամական հեղափոխության պահապանների կորպուսի հայտարարության համաձայն՝ կասկածյալը ձերբակալվել է հունիսի 15-ին՝ Սավոջբոլաղ շրջանի մասնավոր տանը՝ 12-օրյա պատերազմի չորրորդ օրը։ Ձերբակալությունից հետո նրա մոտ հայտնաբերվել է 30,000 եվրո կանխիկ, բեռնատար, մոտոցիկլետ, հետախուզական և արբանյակային կապի սարքավորումներ։
Մեղադրանքների վերաբերյալ այլ մանրամասներ, այդ թվում՝ մեղադրանքների անկախ հաստատումը, չեն տրամադրվել։
Աղբյուր՝ News.am