Եվրոպական միությունը ջանքեր է գործադրում Հորմուզի նեղուցում տիրող իրավիճակի դիվանագիտական կարգավորման համար՝ նպատակ ունենալով կանխել տարածաշրջանային հետագա սրացումները։
Ինչպես հաղորդում է Reuters գործակալությունը, ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը հայտարարել է, որ միջազգային հանրության համար առաջնահերթություն է մնում նավարկության ազատության ապահովումն ու խաղաղ երկխոսության միջոցով լարվածության թուլացումը։ Կալասի խոսքով՝ Հորմուզի նեղուցը համաշխարհային էներգետիկ անվտանգության համար կենսական նշանակություն ունեցող զարկերակ է, և ցանկացած խափանում կարող է ծանր հետևանքներ ունենալ համաշխարհային տնտեսության համար։
Բարձր ներկայացուցիչը շեշտել է, որ Եվրոպան ակտիվորեն համագործակցում է տարածաշրջանային և միջազգային գործընկերների հետ՝ գտնելու այնպիսի լուծումներ, որոնք թույլ կտան խուսափել ռազմական առճակատումից։ Կայա Կալասը վերահաստատել է, որ ԵՄ-ն պատրաստ է ստանձնել միջնորդի դեր և օգտագործել իր բոլոր դիվանագիտական գործիքները՝ կայունությունն ու անվտանգությունն այս ռազմավարական գոտում վերականգնելու համար, քանի որ էսկալացիան չի բխում կողմերից և ոչ մեկի շահերից։