Պենտագոնի պաշտոնյաները ԱՄՆ նախագահ Դոնալդ Թրամփին ներկայացված ռազմական ծրագրերում ներառել են Իրանի հետ հակամարտության հնարավոր ավարտի առաջարկներ։
Այս մասին հաղորդում է NBC News-ը, հղում անելով աղբյուրներին:
Աղբյուրների համաձայն, ԱՄՆ նախագահի խորհրդականների միջև հետագա գործողությունների վերաբերյալ կոնսենսուս չկա։
Նշվում է, որ հակամարտության ավարտի կողմնակիցները մտահոգություն են հայտնում աշխարհում աճող տնտեսական անկայունության վերաբերյալ, որը նկատվում է ռազմական գործողության սկզբից ի վեր։
Հեռուստաալիքի տվյալներով՝ հակամարտության ավարտի տարբերակների քննարկումները գնալով ավելի հրատապ են դառնում ԱՄՆ կառավարության կողմից նավթի համաշխարհային գների աճը զսպելու ջանքերի ֆոնին։