17 մարտի 2026 – 15:45 AMT
PanARMENIAN.Net – Մեկ տարեկան երեխայի նկատմամբ կատարված բռնությունը պատահականության արդյունք չի եղել, դիտավորություն է, հայտարարել է ՆԳ նախարար Արփինե Սարգսյանը։
«Այն անձը, որը կասկածվում է այդ արարքը կատարելու համար անմիջապես ձերբակալվել է: Խոսքը խորթ մոր մասին է»,-ասել է նա, հայտնում է news.am-ը:
Նրա խոսքով՝ դեպքի մասին իրավապահներին տեղեկություն է փոխանցվել բժշկական կենտրոնից ստացված ահազանգից հետո, ինչից հետո իրականացվել են օպերատիվ գործողություններ։
«Ունեցել ենք ահազանգ բժշկական կենտրոնից, մեր իրականացրած օպերատիվ աշխատանքների արդյունքում պարզել ենք, որ ոչ թե պատահականության արդյունքում է եղել տեղափոխումը, այլ կոնկրետ դիտավորյալ արարքի հետևանք է: Նախաձեռնվել է սպանության փորձով վարույթ»,- ասել է նա:
Մարտի 16-ին, արտառոց դեպք է տեղի ունեցել Արարատի մարզում։ Կեսգիշերից անց «կլինիկական մահ» ախտորոշմամբ Երևանի «Արաբկիր» բժշկական կենտրոն է տեղափոխվել տղա երեխա։ Արաբկիրի ոստիկանները պարզել են, որ հիվանդանոց տեղափոխվածը 1 տարեկան 2 ամսական Ալեքսան Մ.-ն է և ըստ օպերատիվ տեղեկությունների՝ երեխային ծեծի է ենթարկել ծնողներից մեկը։